Хүмүүжил

image

Хүүхэд юуны өмнө гэр бүлдээ төлөвшин хүмүүжих ёстой. Та ямар ч завгүй байсан үр хүүхдэдээ анхаарал тавих хэрэгтэй. Гэхдээ хүмүүжүүлж байгаа нь тэр гээд баахан дүрэм журам мөрдүүлэх гэсний ч хэрэггүй. Гол нь та өөрөө доорх зарчмыг баримтлахад л хангалттай.

Тухайлбал:

- Хүүхдэд юуны өмнө хайр хамгийн чухал. Хайрлаж байгаа нь энэ гээд үнсэж үнгээд, амттанаар бялууруулах гэсэн үг биш. Таны үг үйлдэл бүрт чинь хайр, халуун дулаан сэтгэл шингэсэн байх ёстой.

- Хайрлуулж өссөн хүүхэд амьдралд тэвчээртэй зорьсондоо хүрдэг, өөртөө итгэлтэй болж төлөвшдөг.

- Шүүмжлүүлж өссөн хүүхэд бусдыг ямагт буруутгадаг, шүүмжилдэг нэгэн болж төлөвшдөг. Хожим нь хүнд хэцүү амьдралыг туулах болно. Учир нь тэр бүх юмнаас өө сэв хайж, хүнтэй нийцгүй нэгэн болох магадлалтай. Тиймээс хүүхдээ юун түрүүн шүүмжлэх, буруутгах гэсний хэрэггүй. Бусдыг ч хүүхдийхээ дэргэд бүү шүүмжил.

- Ичиж өссөн хүүхэд өөртөө итгэлгүй, гологдмол нэгэн болж хувирдаг. Амьдрал түүнд төмөр нүүрээ үзүүлнэ. Тиймээс хүүхдээ хэзээ ч ичээх, шоолох маягаар бүү өсгө. Ингэж тоглох ч хэрэггүй.

- Хүүхдээ юунд ч битгий гол. "Миний хүү /охин/ чадна. Чи хөөрхөн, хамгийн дур булаам" гэдгийг байнга хэлж, мэдрүүлж өсгө.

- Хүүхдээ бусадтай нийтэч нөхөрсөг өсгө.

- Доороо дүүтэй бол дүүдээ анхаарал тавихад нь сургаж зааж өг. Ингэж өссөн хүүхэд аз жаргалтай хүн болж төлөвшинө. Бас амьдралдаа хариуцлагатай нэгэн болж хувирна.

profile

Зөвлөх: н.Төртогтох

Сургуулийн өмнөх боловсролын сургуулийн багш

X
Нэвтрэх