БСШУСЯ-ны Боловсролын бодлогын газрын дарга Д.Эрдэнэчимэг “Монголын хараагүйчүүдийн үндэсний холбоо”-ны тэргүүн Д.Гэрэл нарын хүмүүсийг хүлээн авч уулзлаа. Уулзалтын үеэр талууд харааны бэрхшээлтэй хүүхэд, иргэдийн боловсролын үйлчилгээний талаар  харилцан санал солилцож, Засгийн газрын бүрэн эрхийн хугацаанд хамтран ажиллах чиглэлээ тодорхойлов.

Улмаар БСШУСЯ, “Монголын хараагүйчүүдийн үндэсний холбоо”-той харилцан ойлголцлын санамж бичиг байгуулж, хамтран ажиллахаар боллоо.

БСШУСЯ, “Монголын хараагүйчүүдийн үндэсний холбоо”-той харааны бэрхшээлтэй хүүхдийн боловсрол эзэмших адил тэгш боломжийг боловсролын бүх түвшинд өргөжүүлэх, монгол брайль стандартыг боловсронгуй болгох, онлайн толь бичигтэй болох, согогзүйч багш нарыг бэлтгэх чиглэлээр хамтарч ажиллахаар тохиролцсон байна.

Мөн тоног төхөөрөмжийг сайжруулах, харааны бэрхшээлтэй хүүхдийн сургуулийг бие даасан дотуур байртай болгох зэрэг асуудлаар салбарын яамнаас дэмжлэг үзүүлэхээр тохиролцжээ.