Үнэг
2021 он 04 сар 26
Улаан үнэг Мах идэштэн багийн хөхтөн амьтан. Өөр ямар ч чонынхон овгийн зэрлэг амьтангүй болсон Британийн арлууд дээр улаан үнэгийг зүгээр л үнэг гэдэг. Улаан үнэг хуурай газрын махан идэштний дунд хамгийн өргөн тархалттай зүйл бөгөөд Канад, Аляска, Америкийн Нэгдсэн Улс, Европ, Хойд Африк, Ази, түүний дотор Японд хүртэл тархсан. XIX зуунд улаан үнэгийг Австралид анх нутагшуулжээ. Их төлөв улаан хүрэн өнгийн үстэй боловч саарал зүсмийн үнэг байх нь бий. Үнэгний зулзагыг гавар гэдэг.
