Хүүхдэд нэг удаа өгөх хоол нь аль болох олон нэр төрлийн хүнс агуулсан байх шаардлагатай.

Тухайлбал:

• Амьтны гаралтай хүнс: Малын мах, загас, тахианы мах, өндөг, сүү, цагаан идээ. Эдгээр хүнс нь хүүхдийн эрүүл чийрэг, сэргэлэн цовоо өсөж бойжиход нэн тустай. Ногоон /веган/ болон цагаан хоолтнууд эдгээртэй дүйцэхүйц агууламжтай шош, самар, будаа зэргээс гаргаж авсан уураг, сүү, цагаан идээг орлуулан хэрэглэнэ.
• Үр тариа: Гурил, төрөл бүрийн будаа, төмс, эрдэнэшиш. Хүүхдийн илчлэгийн хэрэгцээг хангадаг.
• Самар, үр, буурцаг: Шош, вандуй, зармаг, бүх төрлийн самар, үр. Хүүхдийн өсөлт хөгжилтөд тустай.
• А аминдэмээр баярлаг жимс, хүнсний ногоо: Жимс-манго, бэрсүүт жүрж, жүрж, гадил, хан боргоцой
• Ногоо- ногоон навчит ногоо, лууван, шар хулуу, улаан ногоон чинжүү, цэцэгт байцаа.

А аминдэмээр баялаг хүнс нь хүүхдийн харааг сайжруулах, дархлааг дэмжих, халдвараас сэргийлэхэд тустай.

БУУРЦАГТ УРГАМЛЫГ ХҮҮХЭД ИДЭХЭД ХЯЛБАР БОЛГОХ АРГУУД

• Шош, вандуйг чанахын өмнө дэвтээж, дэвтээсэн усыг асгана.
• Түүхий үрийг дэвтээн хальсыг салгаж, чанахын өмнө хальсыг үрж арилгана.
• Шош, вандуйг буцалгаад хатуу хальсыг шүүнэ.
• Самар ба үрийг хуурч шараад бяцална.
• Чанасан шош, вандуйг сайтар нухна.

Хүүхдийн нэмэгдэл хоолыг бэлдэхдээ зөвхөн иоджуулсан давс хэрэглээрэй.

Эх сурвалж: НҮБ-ын Хүүхдийн Сан