Жирэмсэн эмэгтэйчүүдийн 75 хувь Д аминдэм дуталтай, 20 хувь нөөц багатай буюу нийт эмэгтэйчүүдийн 95 хувь Д аминдэмийн хангамж хангалтгүй түвшинд байна. Өөрөөр хэлбэл жирэмсэн эмэгтэйчүүдийн дөрөвхөн хувьд энэ аминдэм хэвийн гэсэн үзүүлэлт гарсан нь анхаарах ёстой асуудал болоод байна. Д аминдэмийн дутагдалтай эхээс Д аминдэмийн дутагдалтай хүүхэд төрнө.

Д аминдэмийн дутагдлыг таних арга нь хүүхэд их хэмжээгээр хөлрөх ялангуяа дагзны ар талаар хөлрөх, хөлний хэлбэр өөрчлөгдөх гэх зэргээр таниж болдог. Хүүхэд хөхөө хөхөж байхдаа хөлрөх, мөн дагзны үс унах зэрэг нь Д аминдэмийн дутагдлын хамгийн анхны шинж тэмдэг билээ. Мөн нэг шинж тэмдэг нь шээс хурц үнэртэй болно.

Энэ өвчин хоёр сартайгаас хоёр ой хүртэлх насны хүүхдийг өвчлүүлдэг. Эрчимтэй өсөж буй нялх залуу бие махбодын өвчин юм. Хүүхдийн биед Д амин дэм дутагдсанаас үүсдэг. Эрүүл төрсөн хүүхдэд нарны гэрэл, агаар дутагдвал хоёр сартайгаасаа эхлэн рахитын шинж илэрч эхэлнэ. Учир нь эхийн хэвлийд байхдаа нөөцөлж авсан Д амин дэм энэ үед дуусаж, нарны гэрлээс […]