Хүүхдийн шүдний аппаратыг авч болдог авч болдоггүй гэж 2 ангилдаг. Авч болдог аппартыг 6-11 настай хүүхэд буюу сүүн болон холимог зуултын гажигтай хүүхэд зүүдэг. Авагддаггүй аппартыг 12-оос дээш насны хүүхдэд буюу байнгын шүд бүрэн ургаж дууссаны дараа зүүдэг.

Эрдэмтэд судалгаагаар шүдийг стрептокок гэдэг нян үүсгэдэг болохыг тогтоожээ. Халдвар авсан шүдний өнгөрт уг нян хуримтлагдана. Угаахгүй байвал өнгөр зузаарч, бүр ихэснэ. Нянгийн хоол нь сахар юм. Нян сахарыг амархан задалж хүчил үүсгэдэг. Чихэрлэг зүйл, хоолыг ойр ойрхон идэхэд хүчил олон удаа ялгарч эргэж эрдэсжилт хангалтгүй болсноос эхлээд шүдний паалан цоорно. Дараа нь цоорол улам […]

Хүүхдийн байнгын шүд анх ургахдаа тэгшхэн ургадаггүй. Тиймээс энэ үеийг нь нугасны муухай дэгдээхэй үеч гэж нэрлэдэг. Анх ургахдаа далий ургаад бусад шүднүүд гарч дуусаад зайгаа нөхөөд явчихдаг учир эцэг эхчүүд маань санаа нээх зоволтгүй. Гэхдээ 7 нас хүртэл нь дор хаяж нэг удаа гажиг заслын эмчид заавал үзүүлэх шаардлагатай.

Сүүн шүд хугацаандаа унахгүй байгаа тохиолдол их байдаг. Үүний гол шалтгаан нь чанасан мах, ааруул, цагаан идээ,  алим зэрэг хатуу зүйл идэхгүй байгаатай холбоотой гэж мэргэжлийн эмч нар үздэг. Учир нь сүүн шүд шимэгдэж байж дараагийн буюу ясан шүд ургадаг. Тиймээс хугацаандаа шимэгдэхгүй байгаагаас болж шүд давхардан ургах, сүүн шүд унадаггүй аж.

Хүүхдийн шүд цоорсны дараа эмч үзлэг хийж тохирох эмчилгээг хийдэг. Шүдний цоорол нь өнгөц болон толбон үедээ байгаа бол түрхлэг түрхээ эмчилдэг. Хэрвээ цоорол дунд болон хүнд хэлбэрийн үед цоорлыг цэвэрлэж ломбоддог. Хүүхдийг хамгийн багадаа нэг нас 6 сар хүрсэн тохиолдолд ломбодож болдог.