© 2026 Монгол Контент ХХК
Хүүхдийн хоолой ойр ойрхон өвдвөл гадуур гарахдаа амны хаалтыг байнга зүүлгэх нь илүү үр дүнтэй байдаг. Мөн хүүхдийн хоолой өвдөх том шалтгаан даарах, идэж байгаа зүйлсээ нэг нэгэндээ өгөх, хүйтэн юм уух гэх мэт байдаг. Хүүхдийг цэцэрлэг, сургуулиас нь тараад ирсний дараа заавал амыг нь сода, давсны уусмалаар хоолойг нь зайлуулж хэвшээрэй.
Хүүхдийн чих өвдөх нь олон шалтгаантай. Хүүхэд толгойгоороо унах, толгойгоо цохих, мөн антибиотик их хэмжээгээр хэрэглэхэд чих гэмтэж байдаг. Хүүхэд хоолны болон эмийн хордлогод орсон тохиолдолд чих гэмтдэг байна. Та бүхэн дараах эмчийн зөвлөгөөнөөс илүү дэлгэрэнгүй мэдээллийг хүлээн авч үзнэ үү?
Хүүхдийн чихнээс булаг гарах нь нэгэн төрлийн эмгэг юм. Тиймээс хүүхдийн чихнээс булаг гарсан тохиолдолд яаралтай мэргэжлийн эмчид хандах хэрэгтэй. Учир нь чихнээс булаг удаан гарснаар хүүхдийн сонсгол болон тархинд муугаар нөлөөлдөг байна.
Чихнээс булаг гоожих нь өвчлөл гэсэн үг юм. Хүүхдийн чиснээс булаг гарвал заавал мэргэжлийн эмчид хандана.
Хүүхдийн чих нь өвдвөл хамгийн түрүүнд хамар нь онгорхой байгаа эсэхийг шалгах. Дараа нь халуун бүлээн жин тавина. Хүүхдийн чих голдуу хамар, хоолой өвдсөн тохиолдолд өвддөг юм.
Чихний суваг руу тосны болон хөлсний мөн тусгай чихний тослог ялгаруулдаг булчирхайнаас ялгаран гарсан шүүрэл, сувгийг бүрхсэн арьсны өнгөн хэсгийн хөндийрсэн үхжмэл арьс, үс, гаднаас орж ирсэн тоос, тоосонцор нь нийлж чихний хульхийг үүсгэнэ. Чихний сүв буюу суваг нь өөрийгөө цэвэрлэх үйлдэлтэй тул хульхи өөрөө гадагшилдаг. Чихний сувгийн гадаргуу их эмзэг, хялбар гэмтдэг тул чихний тос гадаргууг бүрж хамгаалж, хуурай байлгаж өвчин үүсгэгч үржихээс сэргийлж байдаг.
Хүүхдийн чихэнд хорхой орвол ухаж авах шаардлагагүй та хамгийн түрүүнд шингэн зүйл хийнэ. Шингэн нь спиртийн төрлийн шингэн байвал сайн. Шингэнээ хийсний дараа чихний хийг нь гаргана. Яагаад шингэн хийсэн гэвэл хорхой маань агааргүй орчинд амархан үхдэг.
