Өнөө үед олон эцэг эхчүүд хүүхдүүдээ гоц ухаантай эсэхийг нь ихээр сонирхдог болжээ. Гоц ухааныг таньж мэдэхийн тулд онцгойрох шинж тэмдгүүд байгаа эсэхийг нь сайтар ажиглах хэрэгтэй. Гоц ухаантай 2-4 насны хүүхдүүдийн ямарваа зүйлд үзүүлэх хариу үйлдлүүд доорх хэлбэрээр ажиглагдана.

Үүнд:

• Хэвийнээс илүү бодит реалист зураг зурдаг эсвэл толгойдоо энгийн математик бодлогуудыг бодож чадна
• Хэл ярианы авьяастай, үгийн баялаг ихтэй бол төрөлх болон гадаад хэлээр ярьж чадна
• Хэвийнээс илүү их асуулт асууж шинэ зүйлийг ихэд сонирхож ойлгохыг эрмэлзэнэ
• Идэвхтэй хөдөлгөөнтэй. Жирийн хүүхдүүд анхаарал төвлөрөх хугацаа багатай байдаг бол гоц ухаантай хүүхдүүд хөдөлгөөнтэй ч удаан хугацаагаар анхаарлаа төвлөрүүлж чаддаг.
• Өргөн хүрээний, хурц, ойлгоход бэрх зүйлийг мөрөөдөх чадвартай байна.
• Үзсэн, уншсан бүх зүйлээ маш сайн ойлгох чадвартай байх ба түүнийгээ байнга ярьдаг.
• Компьютер өндөр түвшинд хэрэглэж чадна.
• Соёл, урлаг, технологи, хөгжим, геометр гэх зэрэгт авьяастай байдаг.

Хүүхдийг 3 наснаас эхлэн гоц ухаантай эсэхийг нь хэмжих тестүүдэд хамруулж болдог.