Нийслэлийн Аврах анги 105 ангийн алба хаагчид өчигдөр завьт эргүүл хийж байхдаа голын усанд урсаж байсан бага насны хүүхдийг аврах ажиллагааг шуурхай зохион байгуулан эсэн мэнд аварчээ.

Хан-Уул дүүргийн 11 дүгээр хороо, Маршалын гүрний дэргэд 8 настай хүүхэд голын эрэг дээрээс алга болсон гэсэн дуудлага 20:58 цагт НОБГ-т иржээ.

Нийслэлийн аврах анги 105-ын эрэн хайх бүлгийг очиход тус гүүрний дэргэд 8 настай, эрэгтэй хүүхэд голд урсаж байсныг гаргаж эмнэлгийн анхан шатны тусламж үзүүлэн ар гэрийнхэнд нь хүлээлгэн өгчээ.

Нийслэлийн аврах анги 105-ын алба хаагчид Баянзүрх дүүргийн Хар усан тохойгоос Яармагийн гүүр хүртэлх Туул голд өдөр бүр завиар эргүүл хийж, иргэдийн аюулгүй байдлыг ханган ажиллаж байна.

Сэтгүүлч Р.Адъяасүрэн