Нярай хүүхдийг нэмэгдэл хоолонд оруулахад тодорхой зүйлсийг анхаарах ёстой бөгөөд эдгээрээс хамгийн чухал, зарим заалтыг мэргэжилтний зөвлөсний дагуу та бүхэнд хүргэж байна.

• Ой хүртэл нь хүүхдэд чихрийн амт мэдрүүлж болохгүй /цаастай чихэр өгч болохгүй гэсэн үг/
• Бага насны хүүхдийн хоолонд давс хийхгүй, давстай цай өгөхгүй.
• Хүүхдийн өсөлт хөгжлийг хангаж чадах, өвчин эсэргүүцэх чадварыг бүрдүүлж чадах, шингэц сайтай хоол сонгож өгөх хэрэгтэй.
• Шинэ хоол бүрийг эхлээд хагас цайны халбагаас эхлэн өдөр бүр 3-4 цайны халбага нэмж өгнө. Нэг хоолыг 14 хоногт дасгаж оруулна.
• Шинэ хоол бүрийг эхлэн өгөөд 24 цаг болоход уг хоол тохирох эсэх нь мэдэгдэнэ. Гэдэс ходоодны талаас ямар нэг өөрчлөлт өгөхгүй байх ёстой.
• Хоол өгөхийн өмнө шууны дотор талд дусааж халуун, хүйтнийг шалгана. Дусаахад бүлээн байх ёстой.
• Хүүхдийг албадах хэрэггүй.

НЭМЭГДЭЛ ХООЛ ӨГӨХӨД ХҮҮХЭД БЭЛЭН БОЛСНЫГ ХЭРХЭН МЭДЭХ ВЭ?

• Хүүхэд толгойгоо сайн даадаг болсон байна.
• Хүний тусламжтай, тусламжгүй суудаг байх,
• Нялцгай хоолыг залгиж чаддаг байх,
• Зажилж чаддах байх,
• Хэл амаараа хоолыг халбаганаас авч чаддаг болсон байна.

Эх сурвалж: 2 хүртэлх насны хүүхдийн хооллолт