5 САРТАЙ ХҮҮХДИЙН АСАРГАА
- Энэ үед хүүхдийг эхийн сүүгээр дагнан хооллоно. Хүүхдийг хөхүүлэхийн өмнө заавал бага зэрэг саагаарай.
- Хүүхдийн шээс их хурц үнэртэй, хөхөхдөө их хөлөрч буй эсэхийг ажиглаарай. Учир нь энэ бол хүүхэд рахиттай болж эхэлсний шинж.
- Хүүхдийг долоо хоногт гурваас доошгүй удаа усанд оруулна.
- Чих, хамрыг байнга цэвэр байлгана.
- Энэ үед хүүхэд мөлхөх оролдлого хийж эхэлдэг тул гадаргуу дээр чөлөөтэй хөрвөөх нөхцөлийг бүрдүүлж өгөөрэй.
- Хүүхдийн хөдөлгөөн ихсэж өвөр дээр цогих, сарвалзах зэргээр үргэлж хөдөлдөг тул халуун хоол цайг хүүхдийн гар хүрэхгүй газар байрлуулж байх хэрэгтэй.
- Хүүхэд гартаа тааралдсан юмыг амандаа хийдэг тул залгиж болзошгүй жижиг тоглоом болон юмны хэлтэрхийг хүүхдэд бариулж болохгүй.
- Хэт их бэгнээд байвал ханиад шуухинаа тусах нь их байна. Мөн хүүхдийг орчноос хэт тусгаарлах шаардлагагүй.
ЭНЭ ҮЕД ХҮҮХДИЙНХЭЭ ДООРХ ШИНЖИЙГ АЖИГЛААРАЙ
- Өөрөө эргэж хөрвөөж чадаж байна уу?
- Ойролцоо байгаа тоглоомыг авч чадаж байна уу?
- Шулганан ганганаж байна уу?
- Зурагт зэрэг дуу чимээтэй төхөөрөмжийн зүг анхаарч байна уу?
- Өөрт нь хандсан тохиолдолд инээж, баярлаж байна уу?
- Эцэг эх болон гэр бүлийн гишүүдийг таньж байна уу?
Эргэлзээтэй зүйл ажиглагдвал эмчид хандаарай.
Эх сурвалж: Эх хүүхдийн эрүүл мэндийн дэвтэр /ЭМЯ/
