fbpx

Мэдээ, мэдээлэл

image

Нийслэл хот байгууллагдсаны 379 жилийн ойг угтан хүүхдийн хөгжлийн чиглэлээр үйл ажиллагаа явуулж байгаа байгууллагуудыг олон нийтэд сурталчлах, хүүхдийн хөгжлийн үйлчилгээний нэр төрөл, чанар хүртээмжийг сайжруулах, сонголтыг өргөжүүлэх зорилгоор Нийслэлийн хүүхэд, гэр бүлийн хөгжлийн газраас санаачлан 4 дэх жилдээ “Хөгжлийн харандаа экспо” зохион байгуулах гэж байна.

Экспо 2018 оны 10-р сарын 27, 28-нд буюу энэ амралтын өдрүүдэд Зайсан хилл цогцолборт 10:00-18:00 цагийн хооронд зохион байгуулагдана ба сонирхсон хүүхэд багачууд, эцэг эхчүүдэд нээлттэй аж.

Энэхүү үйл ажиллагаагаар хүүхдийн хөгжил, оролцооны байгууллагуудын мэдээллийг нэг дороос авах боломжтой бөгөөд байгууллагууд хөнгөлөлттэй үнээр хүүхдүүдийг бүртгэх, өөрийн байгууллагадаа гишүүнээр элсүүлэх, сэтгэлзүйн оношилгоо, зөвлөгөө, сургалт лекц, тэмцээн уралдаан зохион байгуулагдана.

Экспод

  • Хүүхэд гэр бүлийн хөгжлийн төрийн байгууллагууд
  • Хүүхдийн хөгжлийн чиглэлд ажилладаг олон улсын, төрийн бус байгууллагууд
  • Хүүхдийн оролцооны сүлжээ байгууллагууд
  • Хүүхдийг хөгжүүлэх чиглэлээр ажилладаг урлаг, спорт, хувь хүний хөгжлийн клуб, дугуйлан, холбоо, сургалтын төвүүд, аж ахуй нэгж байгууллага
  • Хүүхдийн чөлөөт цагийг өнгөрөөх тоглоомын төв, спорт цогцолбор, кино театр, музей, урлаг соёлын газар, хүүхдийн зуслан, номын сан
  • Өдөр өнжүүлэн, сайн дурынхны клуб, хөдөлгөөн
  • Хүүхдэд зориулсан мэдээ мэдээлэлтэй хэвлэл мэдээллийн байгууллагууд
  • Хүүхдэд зориулсан бүтээгдэхүүн үйлчилгээтэй аж ахуй нэгж байгууллагууд оролцож хүүхэд гэр бүлд зориулсан хөтөлбөр үйл ажиллагаагаа танилцуулж оролцоно.

Сэтгүүлч Б.Сондор

X
Нэвтрэх