Зургаан сартайгаас таван нас хүртэлх хүүхэдтэй эцэг эхчүүд өндөрт тунт А аминдэмийг хүүхдэдээ заавал уулгаарай.

Өрхийн эрүүл мэндийн төвүүд А аминдэмийг 5 болон 11 сард олгодог. Жилд хоёр удаа буюу зургаан сарын зайтай А аминдэмийн уулгадаг бөгөөд

• 6-аас нэг настай хүүхдэд 100 000 олон улсын нэгж тунтай (цэнхэр өнгөтэй),
• 12-59 сартай буюу нэг наснаас 4 нас 11 сар 29 хоногтой хүүхдэд 200 000 олон улсын нэгж тунтайг (улаан өнгөтэй) уулгадаг.

Хүүхэд А аминдэм уух үедээ 6 сар хүрсэн байх ёстой. Харин таван нас хүрсэн бол  уулгахгүй.

Өндөр тунтай А аминдэм нь зургаан сарын турш хүүхдийн биед хэрэгцээт А-г хангаж байдаг. Хүүхэд төрсөн цагаасаа эхлэн эхийнхээ хөхний сүүнээс хэрэгцээт амин дэмээ авдаг бол зургаан сараас хойш хөхний сүүнд А аминдэмийн нийлэгжилт багасдаг учраас нэмэлтээр өгнө.

А АМИНДЭМИЙН ХҮНИЙ БИЕД ҮЗҮҮЛЭХ НӨЛӨӨ

• Дархлааг дэмжинэ
• Хүүхдийн өсөлт, хөгжлийг дэмжинэ
• Харааны үйл ажиллагаанд оролцоно.