Хүмүүжил

image

Энэ жил сургуульд элссэн 6 настан танайд бий юу? Өнгөрсөн дөрвөн сарын хугацааны хүүхдийн тань сурлага, багшийн гомдол санал чих халууцуулж байна уу?

Тийм бол дараах зөвлөгөөг анхааралтай уншаарай.

Өмнөх зөвлөгөөнүүдэд эцэг эх та бүхнийг аль болох холын зорилгоо санаарай гэж захиж байсан. Энэ удаа ч мөн адил.

Та хүүхдээ хэрхэн бодож сэтгэдэг тухай, аливаа зүйлийг яаж мэдэрч хүлээж авдгийг эхлээд ойлгох гэж хичээх хэрэгтэй. Үүний дараа хүүхдийнхээ онцлогт тохирсон шийдлийг эрэлхийлэх нь зүйтэй. Хамгийн гол нь ямар ч тохиолдолд хүүхэдтэйгээ элэгсэг дотно, чин сэтгэлээсээ харилцан, аливааг ойлгуулах арга замаар асуудлыг шийдэх хэрэгтэй. Сурган хүмүүжүүлэх нь багш, эцэг эх, хүүхдийн гурвалсан холбооны хичээл зүтгэлийн үр дүнд л амжилтанд хүрнэ гэдгийг та биднээр хэлүүлэхгүй биз ээ.

Та хүүхэдтэйгээ элэгсэг дотно харилцсанаар:

  • Сэтгэл санааны хувьд тайван, амгалан болгоно.
  • Ямар ч нөхцөлд хайрладаг гэдгээ ойлгуулна.
  • Анхаарал, халамжаа харуулна.
  • Хүүхдийн хөгжлийн онцлогийг ойлгож хүндэтгэнэ.
  • Хүүхдэдээ ямар хэрэгцээ, шаардлага байгааг мэдэрнэ.
  • Хүүхдийнхээ мэдрэмжийг хуваалцах, түүний төлөө санаа тавьж сурна.

Эх сурвалж: Аав, ээжийн ном

profile

Зөвлөх: Хүүхдийг ивээх сан

X
Нэвтрэх