Боловсрол

image

Уламжлалт сургаал ёсыг хүүхдэд өвлүүлэх нь цаанаа хүмүүжил, боловсрол, хүн чанарын асар их үнэт зүйл суулгадаг гэдгийг мэддэг мэргэн эцэг эхчүүдэд зориулан хүүхдийн цээрлэх болон эрхэмлэх ёсны талаар товчлон хүргэж байна.

  • Амттанаар хэтэрхий хангалуун байлгавал хэнэггүй, голомхой болох тул хэр таарууг идүүлж, өмсүүл.
  • Хар багаас нь тансаг эд юманд умбуулснаас эдийн шуналтай, бэлэнчлэх бодолтой болно хэмээн үзэж цээрлэ.
  • Нойронд автуулахыг цээрлэж, нойр хөнгөн, сэргэг байдлыг эрхэмлэ.
  • Залхуу хойргыг цээрлэж, ажилсаг байхад сурга.
  • Заваан замбараагүйг цээрлэж эмх цэгцийг эрхэмлэ.
  • Хов зөөх, илүү үг ярихыг цээрлэн, уужуу тайван ухаалаг болохыг хичээ.
  • Худалч, хуурмагийг цээрлэж, үнэнч ариуныг эрхэмлэ.
  • Хажиг харамчийг цээрлэн, эвсэг нийцтэйг сайшаа.
  • Хувиа хичээхийг цээрлэн, нөхөрсөг байхыг сурга.
  • Их идэхийг цээрлэн, хуваарьтай, хэмжээтэй идүүлж дасга.
  • Ажиггүй алжууг цээрлэн, ажигч гярхай байхад сурга.
  • Ашигч шунахайг цээрлэн, амарлингуй өглөгч буянтай байдалд сурга.
  • Аймхай хулчгарыг цээрлэн, алсын хараатай туйлбартай байхад сурга.
  • Хатуу хахирыг цээрлэн, хайрлан энэрэхэд сурга.
  • Үрэлгэн гамгүйг цээрлэн, өсгөн арвижуулах, хамгаалахыг хэвшүүл.
  • Уур уцаарыг цээрлэн уужуу ухааныг эрхэмлэ.
  • Хүнтэй эвгүй харьцах, эд юмс, сэтгэл санаагаар хохироохыг цээрлэж, эв найртай байхыг эрхэмлүүл.
  • Амин хувиа хичээн, ядарч зовсон хүнд туслахгүй өнгөрөөхийг цээрлэн, бусдад тустай, нийтэч, өгөөмөр занг эрхэмлүүл.

Эх сурвалж: Аав, ээжийн ном

profile

Зөвлөх: Хүүхдийг ивээх сан

X
Нэвтрэх