Эдгээр аргууд манай зөвлөхүүдийн санал болгодог хүмүүжлийн эерэг аргуудын тусгал гэдгийг та анзаарах биз ээ.
- "Явъя, чамайг зөндөө хүлээлээ" гэж уцаарлахын оронд "Гараандаа, анхаар... МАРШ! Гүйгээд!" гэж хөгжилтэйгөөр уриал.
- "Наадахаа идэхгүй бол амттан өгөхгүй шүү!" гэж сүрдүүлэхийн оронд "Энэ жаахан котлетыг идчихвэл гоё амттан чам руу нисээд л ирнэ дээ" гэх мэт...
- "Аяга тавгаа хураа!" гэж захиргаадалгүй "Хэрэв чи шидтэн байсан бол ширээгээ агшин зуур цэвэрлэчих байсан даа" хэмээн мөрөөдөнгүй хэл.
- "Надад битгий дараа болоод бай" гэж хөөхийн оронд "Чи цаанаа жаахан тоглож бай. Намайг завтай болохоор хоёулаа тоглоё" гээрэй.
- "Битгий маяглаад бай. Тэр футболкийг чинь угаагаагүй байгаа болохоор үүнийг өмс" гэж үглэхийн оронд "Хараач, энэ нөгөө хүн аалзтай футболкн чинь хамаатан шүү дээ. Хоёулаа өмсөөд үзэх үү?"
- Улиг болсон "Одоо унтаач ээ" гэхийн оронд "Чамд хөнжлөөрөө хучих сонин арга зааж өгөх үү?" гэх мэт.
- "Алганы амт үзэх гээ юу?" гэж заналхийлэхийн оронд "Нэг хүн чих, хүзүүгээ хүйтэн усаар угаалгах гээд байна. Чухам хэн гэдэг нь сонин байна" гээрэй.
- "Үгэнд ороод өгөөч ээ" гэж аргаа барж байна уу? Тэгвэл "Хөөе, хараарай. Муухай ааш явж байна. Чам руу үсрээд орчих вий дээ. Бариад аваарай" гэж хашгир.
- "Хэчнээн удаа хэлүүлэх гээв?" гэж уцаарлахын оронд "Нэг нууц мэдээ дамжуулъя. Сонсоод давтаад хэлээрэй" гэж нууцлаг маягаар шивнэ.
- "Гараа угаасан уу?" гэсэн залхмаар нэгэн хэвийн асуулт тавилгүй "Чиний гар угаасан ус тас хар өнгөтэй гарна даа. Мөрийцөх үү?" гэх зэрэг сонирхолтой аргаар үгэндээ оруулааарай.
