- 4 сартай хүүхдийн хооллолт, асаргаа -

• Эхийн сүүгээр дагнан хооллоно. Хөхүүлэлтийн хооронд удсан бол бага зэрэг саагаарай.
• Хөхүүл хүүхэдтэй ээж шим тэжээлтэй хоол хүнс хэрэглэх ба архи, халуун чинжүү, кетчуп, шоколад зэргийг хэрэглэхээс татгалзаарай.
• Хүүхдэд биед тохирсон хөдлөхөд чөлөөтэй уужим хувцас өмсгөнө.
• Хүүхэд халууцаж хөлөрсөн үед хамгийн гадна талын хувцсаас эхлэн аажим нимгэлнэ.
• Хүүхдийг хэт их бэгнэвэл ханиад шуухинаа тусах нь их байдаг. Мөн хүүхдийг орчноос хэт тусгаарлах шаардлагагүй.
• Арьсанд цочрол өгдөггүй живх сонгох нь чухал.
• Энэ үед хүүхдийн эхний шүд цухуйж эхэлдэг тул шүлс нь гоождог ба заримдаа нэлээд уйлдаг.
• Хүүхдийг унтуулахдаа хажуугаар хэвтүүлэх хэрэгтэй. Хүүхдийн хөдөлгөөн ихэсдэг тул ойчихоос сэргийл.
• Хурц үнэртэй шээж байвал эмчээс зөвлөгөө аваарай.
• Ээлжит дархлаажуулалтдаа очих ёстой.

Эх сурвалж: Эх хүүхдийн эрүүл мэндийн дэвтэр