Бид гэрийн нөхцөлд хоол хүнсээ зөв хадгалахад тань туслах бяцхан зөвлөгөөг хүргэж байна.
- Хоол хүнсийг сайтар тагласан саванд хадгална.
- Сүүг хөргөгчинд 1 хоног хадгална. /үйлдвэрийн ариутгалгүй/ Шинэ сүүг тагтай цэвэр саванд тасалгааны хэмд хэдэн ч цаг хадгалж болно. Сүүг хадгалах хугацаа нь түүнийг анх худалдаж авах үеийн байдал болон тасалгааны хэмээс хамаарна.
- Бэлтгэсэн хоолыг хүүхдэд нэг цагийн дотор өгч дуусгана.
- Хуурай сүү, элсэн чихэр, талх, жигнэмэг зэрэг хуурай хүнсийг шингэн, хагас шингэн хүнстэй харьцуулахад урт хугацаанд хадгалж болно.
- Зузаан хальстай шинэ жимс, хүнсний ногоог хэдэн хоногоор хадгалж болно.
- Хэрэв хөргөгч байхгүй бол хүүхдийн хоолыг тухай бүрд бэлтгэж хэрэглэнэ. Бэлтгэсэн сүүн тэжээл болон хуурай сүүг шинэ сүүний адил нэг цагийн дотор хэрэглэж дуусгана.
- Хэрэв хүүхэд түүнийг идэж дуусгаагүй бол том хүүхдэд өгөх, эсвэл өөрөө уух зэргээр ашиглана.
- Зарим айл буцалгасан усаа халуун саванд хадгалдаг. Усны хувьд энэ арга аюулгүй юм. Харин сүүг ингэж хадгалах нь аюултай. Бүлээн сүүнд нян үржих аюултай.
Эх сурвалж: Эхчүүдийн хүүхдээ хөхүүлэхийг дэмжихийн учир