🔖 Хүүхэд гар зүгшрээгүй, жигдрээгүй үедээ баллуур хэрэглээд хэвшчихвэл баллахдаа анхаараад хийж байгаа зүйлдээ итгэлтэй, санаачилгатай байхгүйгээс гадна гараас нь юм гарахгүй, цаашдаа ӨӨРТӨӨ ИТГЭЛГҮЙ болох ч магадлал бий.
🔖 Угтаа хүүхдийн зурсан нэг зураас, илүү гарган будсан хэсэг талбай ч буруу биш. Хүүхэд зөв буруу зурж будаж байгаад гар нь зүгшрээд ирдэг. Гар нь зүгширсэн хүүхэд цэвэр зурж буддаг болно.
🔖 Тэр үедээ өмнөх зургаасаа өөрийн өөрчлөлтөө харж, харьцуулж, ахицаа үнэлж сурдаг. Өөрөөр хэлбэл цэвэр болон цэвэр биш бичсэнээ харьцуулж хараад санаачилгаараа, анхнаасаа зөв цэвэр бичиж, зурахыг эрмэлздэг болно.
🔖 Алдсан муухай болсноо баллахгүй, арилгахгүй бол хүүхэд анхнаасаа сайн бодож байж зурж, бичиж, хийнэ. Энэ нь аливааг төлөвлөдөг, алдсан ч хамаагүй гэж бодох биш алдахгүйн тулд хичээдэг болох гэх мэтчилэн хүмүүжлийн ч чухал ач холбогдолтой байдаг шүү.
Арилгагч, баллуурыг IV ангиас дээш хэрэглэхэд тохиромжтой.
