Нэг сартай хүүхдийн хөгжлийг дараах байдлаар дэмжинэ. Үүнд:

Ээж, аав та хүүхдийнхээ хөгжлийг хэрхэн дэмжих вэ?

• Төрснөөс хойш нэг цагийн дотор хөхүүлэх
• Хүүхдээ байнга тэвэрч, иллэг хийх
• Хүүхдэдээ хайр халамжаа мэдрүүлж итгэл төрүүлэх
• Хүүхдийнхээ нүд рүү харж янз бүрийн төрх гарган харилцах
• Хүүхэдтэйгээ байнга ярьж, дуу дуулж, ном уншиж өгөх
• Хүүхдийнхээ цээжин тушаа 30 см-ийн зайд тоглоом өлгөж дагуулж харах, ажиглах дасгал хийлгэх
• Хүүхдэдээ хүрэх бүртээ, хооллохын өмнө гараа сайн угаах, эргэн тойрон эд зүйлийг нь цэвэр байлгах
• Хүүхэд төрснөөс хойш 1 долоо хоногийн дотор, үүнээс хойш сар бүр эмчид үзүүлэх
• Товлолт вакцинжуулалтад хамруулах

Таны хүүхдэд дараах шинж байдал илэрвэл эмч, мэргэжлийн хүмүүст хандана уу.

• Хөхөө хөхөж чадахгүй, хөхөхгүй байх
• Дуу чимээ, хурц гэрэлд хариу үзүүлэхгүй байх
• Барьж, тэврэхэд нүд рүү тогтож харахгүй байх
• Гар хөлийн хөдөлгөөн бага, булчин сулралтай байх
• Хүнд тэврүүлсний дараа байнга үргэлжлүүлэн уйлах