Пудель нохой
2021 он 03 сар 26
Цэвэр үүлдрийн, удам сайтай пудель нохой хэзээ ч эзнийхээ урмыг хугалахгүй. Тэд хүний дунд байх дуртай бөгөөд ганцаараа байхыг үзэн яддаг. Тэднийг хайрлаж, хамт байх хэрэгтэй. Урьд өмнө нь пудель харуулд гарч, хонин сүрэг хариулж, анд явдаг байсан. Пудель усанд тоглох, бөмбөг хөөж зугаацах дуртай байдаг. Эл үүлдрийг сонирхогчид ухаалаг, дуулгавартай нохой төдийгүй маш эрүүл чийрэг хэмээн онцолдог. Гэхдээ пудель тэжээж байгаа бол чихний өвчлөл, мэдрэл болон үе мөчийг нь сайтар анхаарах хэрэгтэй.
