Жирэмсний 10-12 долоо хоногтойд та юу мэдэж байх шаардлагатай вэ?

• Таны биед илрэх хэвийн өөрчлөлтүүд нь ядарч сульдах, бөөлжис цутгах, хааяа бөөлжих, толгой өвдөх, бие сулрах, хөх томорч зөөлрөх байна.
• Хэвлий дэх ургийн зүрх цохилж, гар, хөл, нүүр болон бусад том эрхтнүүд хэлбэрээ олж эхэлдэг.
• Үтрээнээс өнгөгүй ялгадас гарч болно.
• Жирэмсний хугацаанд бие дэх бодисын солилцоо өөрчлөгддөг тул буйл өвдөх эрсдэлтэй. Буйлны өвчин хүндрэх үед ураг зулбах болон хэт бага жинтэй төрөхөд нөлөөлдөг тул шүдний эмчид заавал үзүүлээрэй.
• Энэ үед архи тамхи хэрэглэх болон эмчийн зөвшөөрөлгүйгээр эм ууж болохгүй.

Дараах асуудлуудын талаар эмчтэйгээ ярилцаарай

• Шинжилгээний хариутай холбоотой ямар нэг асуудал бий юу?
• Хөх арчилгааг хэрхэн хийх вэ?
• Энэ жирэмслэлтэд нас маань нөлөөлөх үү?
• Халуун ус, саун, рашаан шүршүүрт ороход хүүхдэд нөлөөлөх үү?
• Бэлгийн харьцаанд орж болох уу гэх мэт.