Хүүхдийн дасан зохицох чадвар өөр өөр. Зарим хүүхэд цэцэрлэг, шинэ хувцас, танихгүй хүн, өөр айлд дасахад нэг өдөр л хэрэгтэй. Харин өөр нэгний хувьд сар болсон ч уйлж л байдаг.

Хүүхдийнхээ яриаг таашаан сонсох нь түүний сэтгэлийн гүнд нэвтрэн орох зам юм. Хүүхэд өөрийг нь сонсоно гэдэгт итгэсэндээ л ярьдаг. Гэтэл хүүхдийг тоохгүй байсаар хэлгүй, дүлий мэт болгох нь бий.

Ямар нэг зүйлд дасан зохицох хүүхдийн чадвар бол түүнд төрж буй мэдрэмжүүдийн шууд илэрхийлэл байдаг.

Айлын ганц, эсвэл олон хүүхэдтэй айлын ууган, отгон болж өсөх нь ялгаатай. Иймд ямарваа зүйл хүүхдэд тань ямар сэтгэгдэл төрүүлж буйг ажиглан шаардлагатай бол илүү их цаг гарган түүнд дасан зохицоход нь туслаарай.