Хүүхдийн байгаа байдлыг эцэг эх өөрсдийн нүдээр харж шийдвэл урам хугармаар, уур уцаар хүрмээр, тухайн зүйлийг хийлгэмээргүй үе нэг бус удаа тохиолдоно. Заримдаа бүр хүүхэд тань таныг санаатайгаар уурлуулж байгаа мэт бодол ч төрж байсан байх.

Гэхдээ үнэндээ хүүхдүүд та бүхнийг уурлуулахыг хүсдэггүй юм шүү. Эцэг эхийнхээ хориглосон зүйлийг хүүхэд хийгээд байдгийн цаад учир шалтгаан нь тэд тухайн юмны талаар хангалттай мэдлэг, туршлага хуримтлуулж амжаагүй, бас өөрийнхөөрөө аливааг хийхийг хүсдэгт оршдог юм шүү.