Хөхөнд нь сүү орохгүй байгаа болон бусад шалтгаанаар хүүхдээ хөхүүлж чадахгүй байгаа олон эхэд энэ сэдэв чухал мэдээлэл болно. Учир нь тэдэнд тусалдаг хөхний сүүний донор эхэд тодорхой шаардлага тавигддаг.
- Донор эх эм хэрэглэж болохгүй
- Донор эх болох өөрийн хүүхэд эрүүл байх
- Хөхний арьс гэмтээгүй, арьсны өвчингүй байх
- Болж өгвөл 30-аас доош насны эх байх
- Хүүхдээ хөхүүлээгүй талын хөхнөөс сүүг нь сааж байх
- Ямар ч аяганд сааж болно
- Эхлээд хэсэн дусал сүүг асгасны дараа хэрэглэх сүүгээ цэвэр аяганд саана.
- Өдөр бүр усанд орох шаардлагатай
Саасан сүүг хадгалах
- Сүүг саагаад эхийн нэр, саасан өдөр, цаг, хөргөгчид тавьсан цагийг бичиж хөргөгчид хадгална.
- Хөргөгчийн хөлдөөх хэсэгт хөлдөөсөн сүүг сар жилээр хадгалж болно.
- Хөлдөөгөөгүй сүүг хөргөгчид 24-48 цаг хадгална.
- Хөргөгчид сууг тавихдаа ариутгах хэрэггүй.
- Хөргөгчид сүүгээ хадгалахдаа 1 удаа хүүхдэд өгөх хэмжээгээр хадгалбал дараа нь хүүхдэд өгөхөд амар байдаг.
- Хөргөгчид хадгалж буй сүүний тос дээш ялгарч, хадгалсан сүү 2 янзын өнгөтэй болно. Үүнээс айж болгоомжлох хэрэггүй.
Зөвлөх: М.Оюунбилэг /Анагаах ухааны доктор/