Бага насны хүүхдийн хувьд уурлаж бухимдах нь хэвийн үзэгдэл бөгөөд насных нь онцлог юм.

Хүүхэд сэтгэл нь зовнисон эсвэл зөрүүдэлсэн үедээ л уурладаг. Түүнийг уурлаж бухимдаад эхэлбэл шалтгааныг нь асуугаарай. Хүүхэд хариулахгүй ч гэсэн таныг өөрийг нь ойлгохыг хичээж байгааг ойлгоно. Тиймээс түүний анхаарлыг өөр зүйл рүү хандуулах хэрэгтэй. Хэрэв тэр анхаарлаа өөр зүйл рүү хандуулахыг хүсэхгүй бол, та уур бухимдлыг нь тоохгүй байгаа мэт дүр үзүүл.

Тэгэхгүй бол гаргаж буй авирыг бүр ихээр өдөөх болно. Уур бухимдал хүүхдийг том болох тусам багасаж, түүний харилцах чадвар сайжрах тусам аяндаа алга болдог байна.