-1-3 хүртэлх настай хүүхдийн сонсох чадвар-

ТАНЫ ХҮҮ, ОХИН:

• Энэ насандаа танил үгийг сонсоод үйлдлээр хариулна. Тухайлбал тоглоомоо хураа, гараа угаа гэх мэт.
• Давтагдсан үгтэй, богино хэмжээтэй шүлэг, үлгэрийг сонирхон сонсдог.
• Хялбар асуултыг сонсоод үг, үйл хөдлөлөөр хариулт өгнө. Жишээ нь асуултын хариуд толгой дохих, сэгсрэх, насыг нь асуухад хуруугаа гозойлгож хариулна.
• Насанд хүрэгчдийн хурдан яриаг гүйцэж сонсох чадвар муу ч танил үлгэр, өгүүллэгийг сонирхон сонсоно.
• Насанд хүрэгчдийн хэлсэн үгийг сонсоод давтаж хэлнэ.
• Хүнийг дуу, хоолойгоор нь таньж чаддаг болно. Хүмүүсийн яриа, дуу хоолойн өнгө аясыг сонсоод ялгана. Өхөөрдсөн, зэмлэсэн гэх мэт өнгө аясыг ялгаж хариу үйлдэл үзүүлнэ.
• Насанд хүрэгчдийн зааврыг сонсоод гүйцэтгэнэ. Тухайлбал хоолоо ид, тоглоомоо хураа гэхэд гүйцэтгэнэ.
• Үе тэнгийнхнийхээ ярихыг сонирхон сонсоно.