-Ус уухын ач тус-

Дэлхийн хүн амын 90 хувь нь усыг шаардлагатай хэмжээнд уудаггүй учраас байнга өвчилдөг болохыг эрдэмтэд бичсэн байдаг. Ус хүний биед асар их үүрэгтэй.

Жишээлбэл, усыг хангалттай сайн ууснаар,

• Цусны даралт ихсэхгүй
• Хүний биеийн халуун дулааныг зохицуулдаг
• Шээс сайн ялгарч, бөөр өвчлөхгүй
• Арьс хуурайшихгүй, улмаар үрчийж хөгшрөхгүй
• Өтгөн хатахгүй
• Дотоод эрхтэн чийгтэй байж хэвийн ажиллана

Тархи усаар хангалттай байвал ой санамж муудахгүй зэрэг олон сайн талтай.

Насанд хүрэгчид өдөрт 2-2.5 литр шингэн уух хэрэгтэй. Ингэхдээ өглөө 7:00 цагаас орой 20:00 цаг хүртэл 1 цаг 30 минут тутамд 1 аяга шингэн ууна гэсэн үг юм.

Харин хүүхдэд хэдий хэмжээний ус шаардлагатай болохыг доорх хүснэгтэд харуулав.

Насны бүлэг	Шингэний хэрэгцээ хоногт	Байвал зохих биеийн жин /кг/
1 нас	960 мл, 5 аяга /150 мл-ээр/	9,6 кг
2 нас	1200 мл, 6 аяга /150 мл-ээр/	12 кг
3 нас	1400 мл, 7 аяга /150 мл-ээр/	14 кг
4 нас	1600 мл, 8 аяга /200 мл-ээр/	16 кг
5 нас	1820 мл, 9 аяга /200 мл-ээр/	18,2 кг
6 нас	2160 мл, 10 аяга /200 мл-ээр/	21,6 кг

Хүүхдэд өглөө босонгуут өлөн дээр нь нэг аяга бүлээвтэр ус өгч хэвшүүлэх хэрэгтэй. Дээр дурдсан хэмжээний усыг хүүхдэд өгөхдөө хоолноос 10-15 минутын өмнө өгөх хэрэгтэй бөгөөд ус уух дургүй байсан ч усыг тогтмол уулгаж сургах хэрэгтэй байдаг.