Хүүхдийн нас

Номонд тавигдах шаардлага

0 - 9 сар: Номтой дотносох үе

• 3 сартайгаас номтой танилцуулна
• Даавуун материалтай
• Үмхэх, базах зэрэгт аюулгүй бас эрүүл ахуйн шаардлага хангасан
• Тод өнгөтэй
• Зузаан хуудастай
• Хуудасны ирмэг хурц биш

9 – 12 сар: Номын зургийг үзэх үе

• Дуу авиа гардаг
• Хөдөлгөөнт зураг, дүрслэлтэй
• Том, тод зураг, дүрстэй
• Нэг хуудас дээр 1-2 зүйлийг дүрсэлсэн
• Нэрлэж болохуйц хүүхдийн амьдралд ойр эд зүйлсийг дүрсэлсэн
• Цөөн хуудастай
• Хялбар урагдахгүй
• Гарт эвтэйхэн

1 – 2 нас: Номын утгыг ойлгох үе

• Уялдаа холбоо бүхий том, тод зургуудтай
• Холбоо үгээр илэрхийлэх зурагтай
• Хураангуй өгүүлбэртэй
• Агуулга нь хүүхдийн өдөр тутмын амьдралд ойр
• Цөөн хуудастай
• Тоглоомын агуулга, хэлбэртэй
• Сөхөөд харах зэрэг хөдөлгөөнтэй

3 - 4 нас: Номноос суралцах үе

• Хүүхдийн үгийн баялгийг нэмэгдүүлэх шинэ үгтэй
• Үйл явдал бүхий зурагтай
• Үлгэрийн агуулга давамгайлж болно, амьтдын тухай, тэмдэглэлт үйл явдал, баярын тухай гэх мэт
• Зургийн агуулгыг цөөн үгтэй өгүүлбэрээр илэрхийлсэн
• Шүлэг, толгой холбосон тексттэй
• Нимгэн хавтастай байж болно

5 – 6 нас: Бие даан уншихын өмнөх үе

• Агуулга нь адал явдалтай
• Утгын холбоо бүхий үйл явдлыг илэрхийлсэн тодорхой сэдэв бүхий зургуудтай
• Шинэ зүйлийг таниулах асуулт даалгавартай
• Эд юмсыг тодорхойлон ярих, хариулах асуулт, зургуудтай
• Номын агуулгаар дамжуулан мэдээлэл авах, шинийг таних, шинэ зүйлд суралцах боломжтой
• Асуудлыг шийдвэрлэх арга ухаанд суралцах зохиомж, хийцтэй
• Сурах арга барилд суралцахуйг дэмжсэн
• Сэтгэхүй хөгжүүлэх дасгал, тоглоом, даалгавар, өгүүлэмжтэй
• Унших сонирхол төрүүлэхүйц агуулга, зураг, хийцтэй