ЭЭЖ, ААВ ТА 6 НАСТАЙ ХҮҮХДИЙНХЭЭ ХӨГЖЛИЙГ ХЭРХЭН ДЭМЖИХ ВЭ?

• Хүүхдэдээ үлгэр дуурайлал үзүүлж хүүхдийн дэргэд муу үг, буруу үйлдэл, зохисгүй авир гаргахгүй байхыг эрхэмлэх
• Хүүхдэдээ өөрийн мэдрэмж, үзэл бодол, итгэл үнэмшлийг илэрхийлэхийг дэмжиж урамшуулах
• Хүүхдэдээ цаг гарган ярилцаж, хайрлан хүндэтгэж гэр бүлийн нэг гишүүн гэдгийг мэдрүүлэх, яриаг нь сонсох
• Хүүхдийг өмнөө зорилго тавих, асуудлыг шийдвэрлэх, бэрхшээлийг даван туулахад нь тусалж баяр баяслыг амсуулах
• Хамтдаа тоглоом тоглож, наамал, баримал, хайчилбар дасгал, гимнастик хийх
• Уран сэтгэмж, хийсвэрлэн ярихыг нь дэмжих
• Найзуудтайгаа тоглохыг дэмжиж, гэрийн ажил, хичээлээс гадуурх арга хэмжээнд сэдэлжүүлж оролцуулах
• Дүрэм журам, дэг жаяг, уламжлалын талаар ойлголт өгч, баримтлахад нь дэмжин урамшуулж эерэг хандлагыг сайшаан магтах

ТАНЫ ХҮҮХЭД ДАРААХ ШИНЖ БАЙДАЛ ИЛЭРВЭЛ ЭМЧ, МЭРГЭЖЛИЙН ХҮМҮҮСТ  ХАНДАНА УУ?

• Найз нөхөдгүй байх
• Бэрхшээлтэй дасгалыг хийхээс зайлсхийх, шантрах
• Өөрийн хэрэгцээ, бодол, сэтгэл санаагаа ойлгуулж, илэрхийлж чадахгүй байх
• Анхаарал нь сарнимхай, анхаарлаа төвлөрүүлэхэд бэрхшээлтэй байх
• Хийж байгаа зүйлээ шалтгаангүйгээр дуусгахгүй байх
• Хэт харгис эсвэл хэт ичимхий байх