Боловсрол

image

Хүүхдийн нэг өдрийн хөтөлбөр, хуваарийг бэлтгэхдээ хүүхдийн нас, хэрэгцээнд нь тохируулж хүүхэдтэйгээ ярилцаж хамтарч бэлтгэх бөгөөд хүүхдийнхээ болон гэр бүлийн бүх гишүүдийн нүдэнд харагдахуйц ил газар өлгөж тавина. Ингэснээр хүүхэд бага наснаасаа эхлэн хэдэн цагт юу хийх, юу идэх, унтах гэх зэрэг өдөр тутмын үүрэг хариуцлагаа ухамсарлах бөгөөд энэ нь хүүхдийн төлөвшилд ихээхэн нөлөөлдөг байна.

Хүүхдийг унтахаас өмнөх хугацаанд тайвшруулах хөдөлгөөн хийлгэснээр хүүхэд тайвширч унтах нь саадгүй болдог бөгөөд хүүхэд их хөдөлгөөнтэй үйлдлүүд хийх тохиолдолд нойр нь хулждаг байна. Унтлагын хувцас өмсөх, шүд угаах, үлгэр уншиж өгөх гэх зэрэг үйлдлүүд нь унтах цаг болсон гэдэг дохио болж өгдөг байна. Хүүхдийн унтах хугацаа хүүхэд томрох тусам багасна.

  • 2 настай хүүхэд – 12 цаг
  • 4 настай хүүхэд – 11,5 цаг
  • 6 настай хүүхэд – 9,5 цаг унтдаг бөгөөд насанд нь тохируулан унтах хуваарийг гаргана.

Гэр бүлээрээ хамт суун хооллох цагийг тооцоолон хүүхдийн хооллох хуваарийг гаргана. Үүнээс гадна хүүхдээр насанд нь тохирсон ажил хийлгүүлж болно. 3-6 насны хүүхдүүдэд хоолны ширээ засахад туслах, тоглоомуудаа хураах, хиртэй хувцаснуудаа ялгах гэх зэрэг энгийн үүрэг гүйцэтгүүлж болно.

Тоглох цагийг унтах цагаас өөр бусад үед хуваарилахад анхаарна. Тоглох нь хэл яриа, оюун ухаан, нийгмийн чадвар ба гар хөлний хөгжилд ихээхэн ач холбогдолтой байдаг учир хүүхдүүдтэй тоглох цаг хангалттай байгаа эсэхэд анхаарна уу.

profile

Зөвлөх: н.Төртогтох

Сургуулийн өмнөх боловсролын сургуулийн багш

X
Нэвтрэх