Ээж, аав та 1 настай хүүхдийнхээ хөгжлийг хэрхэн дэмжих вэ?

• Үргэлжлүүлэн хөхүүлэх ба нэмэгдэл хоолоор өдөрт 3-4 удаа 9 сартайгаас эхлэн хооллох.
• Хүүхдээ хайрлаж буйгаа мэдрүүлж, элгэндээ нааж тэврэх.
• Эргэн тойрны эд зүйлсийн нэрийг тод хэлж сонсгох, бүх зүйл нэртэй гэдгийг мэдрүүлэх, ойлгуулах.
• Энгийн тоглоом (хүүхдийн эргэн тойрны эд зүйлс, үйлдэл болгоныг тоглоом болгох) тоглох, ярилцах, ном унших.
• Хүүхдээ түлхэх, татах, өнхрүүлэх, базах, дуу гардаг зэрэг олон үйлдэл хийж болох тоглоомоор тоглуулах
• Жижиг зүйл, халуун, хүйтэн, хурц, давхарласан зүйл, гялгар уут зэргийг хүүхдээс хол байлгах
• Хүүхдийнхээ нүүр гарыг угаахдаа тоглох хэлбэрээр, баяр баясгалантайгаар, хийж буй үйлдлээ тайлбарлан хийх
• Хүүхдээ өөрийн гэсэн тусдаа аяга, халбага хоолны хэрэгсэлтэй байлгах

Таны хүүхдэд дараах шинж байдал илэрвэл эмч, мэргэжлийн хүмүүст хандана уу.

• Аливаад хариу үйлдэл үзүүлэхгүй байх
• Алхахдаа тэнцвэргүй байх
• Хоолны дуршилгүй байх
• Зан аашинд үе үе өөрчлөлт гарах

Ээж, аав та 2-3 настай хүүхдийнхээ хөгжлийг хэрхэн дэмжих вэ?

• 1 нас хүртэл нь хөхүүлэх, хүүхдийг олон нэр төрлийн тэжээллэг, цэвэр, шинэхэн бэлтгэсэн хоолоор хооллох
• Хүүхдийг товлолт вакцинд хамруулах
• Хүүхэдтэйгээ хамтран шүд, ам, хамар, гар, нүүрийг угаах ба үйлдлийг баяртай сонирхолтой байдлаар тайлбарлан хийх
• Хүүхдэд аюултай эд зүйлс, аюултай газраас зайлсхийхийг тайлбарлах
• Хүүхэдтэй ярихдаа хэлгий болон буруу ярихгүй байх
• Хүүхдийнхээ өсөлт хөгжлийн явц, тоглож буй байдал, хийж буй үйлдэл, яриаг сайн ажиглаж сайн үйлдлийг дэмжиж, буруу үйлдлийг засах
• Хайрлаж байгаагаа байнга мэдрүүлж, магтаж урамшуулах
• Шүлэг, дуу, хуруун хүүхэлдэй, хөдөлгөөнийг хамтран болон дагуулан хийх

Таны хүүхдэд дараах шинж байдал илэрвэл эмч, мэргэжлийн хүмүүст хандана уу.

• Бусдаас хөндий, ганцаардмал байх
• Алхах болон хөдөлгөөний явцад тэнцвэрээ алдах
• Хоолны дуршил муу эсвэл хоолонд дургүй байх
• Хэцүү, ойлгомжгүй зан ааш гаргах