Харшлын эхэн үеийн шинж тэмдэг нь ойр ойрхон найтаана, шингэн нус гоожино, хүүхэд мэдэгдэм хамар, нүдээ нухална. Харшилтай хүүхдэд хориглох зүйл: -Чипс -Самар -Ундаа, жүүс -Өнгөтэй жимснүүд -Хуурсан хүнсний бүтээгдэхүүнүүд -Даршилсан бүтээгдэхүүнүүд -Хиам, гахайн утсан мах зэргийг хориглоно.

0-6 насны хүүхдүүд бүх зүйлийг амандаа хийж амаараа мэдэрдэг учир дархлааг хамгаалах үүднээс хоолойн мах нь том төрдөг байна. Аажмаар хүүхэд томрох үед нь хоолойн мах маань хэвийн хэмжээнд очдог.

Хүүхдийн маш олон өвчин байдаг. Хоолойгоо их засдаг хүүхдийн хоолой ямар нэг өөрчлөлттэй буюу залгиур хоолойн өвчтэй байна гэсэн үг юм.

Нярай хүүхэд байнга хэвтээ байдалд байдаг учраас хамар нь битүүрэх хандлага их байдаг. Хүүхдийн хамрыг цэвэрлэхдээ нус сорогч болон модтой хөвөнгөөр хамрыг ухаж огт болохгүй.

Хүүхдийн хоолой өвдөж байгаад ханиад руу шилжих нь элбэг. Хүүхдийн хоолой нь хөл нүцгэн явах, хүйтэн зүйлс уухад амархан өвддөг. Хавар намрын улиралд хүүхдийн хоолойн өвчин нэмэгддэг.

Төвөнхийн үрэвсэл буюу ларингит нь амьсгалын дээд замын цочмог үрэвслүүд, томуу ба томуу төст өвчин, кори, салхин цэцэг, сахуу зэргээс үүсдэг. Уг өвчин нь 6 сартайгаас 2-3 насанд ихэвчлэн тохиолддог. Энэ нь хүүхдийн төвөнх, цагаан мөгөөрсөн хоолойн бүтцийн онцлогтой холбоотой. Бага насны хүүхдийн мөгөөрсөн хоолой илүү нарийхан бөгөөд мэдрэмтгий эсүүд тэнд илүүтэй байрладаг тул уг өвчнийг мэдрэхдээ амархан байдаг.

Хүүхдийн чихэнд хорхой орвол ухаж авах шаардлагагүй та хамгийн түрүүнд шингэн зүйл хийнэ. Шингэн нь спиртийн төрлийн шингэн байвал сайн. Шингэнээ хийсний дараа чихний хийг нь гаргана. Яагаад шингэн хийсэн гэвэл хорхой маань агааргүй орчинд амархан үхдэг.

Хамрын салстын цочмог үрэвсэл нь вирус, нянгийн болон хавсармал үүсгэгчээр үүсгэгдэнэ. Энэ үед хүүхдийн бие тавгүйтэх, найтаах, хамар битүүрч нялх хүүхэд хөхөө хөхөхдөө саадтай болох, том хүүхдэд чих шуугих, үнэр амтыг муу мэдрэх, зарим үед хоолой бага зэрэг хатах шинжүүд илэрнэ. Өвчний 1-3 дахь өдрөөс хамраас усархаг шингэн гоожиж, цаашид өтгөрөн, 3-5 дахь хоногоос нус ногоорон идээрхэг болно. Энэ үеэс хамрын нүхний доод хэсэг, дээд уруул шингэн нусанд цочирсноор улайж үрэвсэнэ.