Хүний залгиур хөөмий орчмын архаг үрэвсэлт өвчнийг хоолойны ангина гэх бөгөөд шалтгаан нь 100% халдварын гаралтай ямар нэгэн эмгэгтөрөгч бактери, вирус, мөөгөнцөр байдаг. Хоолойны ангина өвчний 95%-ийг А группын бетта хэлбэрийн цус задлагч стрептококк үүсгэх ба энэ бактери нь хэрэхийн гаралтай эмгэгийг үүсгэх анхдагч хүчин зүйл болдог байна.

Залгиурын хажуу хананд байрладаг хос булчирхай үрэвсэхийг гүйлсэн булчирхайн үрэвсэл буюу ангина гэдэг. Өвчнийг эцэг эхчүүд тэр бүр тоодоггүй бөгөөд хүүхдийн хоолой өвдлөө гээд ойр зуурын эмээр өвчнийг нь намдаагаад л өнгөрдөг. Гэтэл ангина нь тухайн үед нь зохих эмчилгээг тууштай хийж төгс эмчлэхгүй бол олон жилээр ужигран даамжирч, архаг эмгэгүүдийг үүсгэдэг аюултай өвчин юм. […]