Хүүхдийн хоолой ойр ойрхон өвдвөл гадуур гарахдаа амны хаалтыг байнга зүүлгэх нь илүү үр дүнтэй байдаг. Мөн хүүхдийн хоолой өвдөх том шалтгаан даарах, идэж байгаа зүйлсээ нэг нэгэндээ өгөх, хүйтэн юм уух гэх мэт байдаг. Хүүхдийг цэцэрлэг, сургуулиас нь тараад ирсний дараа заавал амыг нь сода, давсны уусмалаар хоолойг нь зайлуулж хэвшээрэй.

Цэцэрлэгийн насны хүүхдүүд хамартаа юм чихээд оруулчихдаг.  Ийм тохиолдолд та авах гэж битгий оролдоорой. Хамрыг ухаж оролдсоноор чихсэн зүйлийг цааш нь түлхэх, мөн хамрын салстыг гэмтээх магадлалтай байдаг тул мэргэжлийн эмчид хандах нь зүйтэй.

Хамрын эргэн тойронд тойрч байрладаг 4 том хөндийний үрэвслийг гамрит гэнэ. Хамрын ханиад хүрээд удаан хугацаагаар эмчлэхгүй байх нь гамрит үүсэх шалтгаан болдог байна. Хүүхэд гамрит хүрсэн бол мэргэжлийн эмчид яаралтай хандаж эмчилгээг сайн хийлгэх чухал юм.

Хамрын мах гэдэг нь хамрын самалдагууд хөөх, уйланхай үүсэх, нармайн булчирхай томрох зэрэг асуудлуудыг ерөнхийд нь хэлдэг. Хамрын махыг авах тухай мэргэжлийн эмчээс асуугаарай. Рентген зураг авхуулснаар хамрын махтай үгүйг шийддэг. Таны хүүхдийн хамар нусгүй хэрнээ байнга битүүрдэг бол мэргэжлийн эмчид заавал хандаарай.

Урин дулааны цаг ирэхтэй зэрэгцэн харшлын улмаас хамар битүүрдэг. Түүнээс гадна агаар дуслын замын болон вирус, бактерийн халдвар их байгаа тул хамар битүүрэх өвчлөл сүүлийн жилүүдэд нэмэгджээ. Хамар битүүрэхийг хүмүүс тэр бүр тоодоггүй. Шинж тэмдэг илрэх үед дусаалга, гаа хэрэглэн, аргацаадаг. Гэвч энэ нь маш олон сөрөг үр дагавартай. Агаарын бохирдол, тамхидалт энэ өвчний шалтгаан болж […]

Хүүхдийн хамраас цус гарах шалтгаан нь нэгдүгээрт хамрын гэмтэл, хамрын шархлаа гэх мэт байдаг. Хамар хэтэрхий хуурай байснаас болоод салст гэмтээд салстад тав тогтоод түүнийгээ унагааснаас болж цус гарах хандлагатай байдаг. Хэрвээ таны хүүхдийн хамраас цус байн байн гараад байвал шарх байна уу, эсвэл өөр шалтгаантай байна уу гэдгийг нь мэргэжлийн эмчид заавал үзүүлээрэй. Хэрвээ та шархтай байвал хурдан эмчлэхгүй бол байнгийн цус гараад байвал хүүхэд цус багадалттай болох эрсдэлтэй.

Хамар яагаад хуурайшдаг вэ? Хүүхдийн хамрын салст нимгэн, мэдрэмтгий байдаг учраас хамрын хуурайшил элбэг байдаг. 5-аас доош насны хүүхдийн өрөөг нь нэн ялангуяа чийгтэй болгох шаардлагатай. Хамар хуурайшихад хамрын дусаалгыг хэрэглэж болохгүйг маш сайн анхаараарай. Хамрын дусаалга нь өөрөө улам хуурайшуулдаг. Хамрын хуурайшлын үед тосон эмчилгээ хамгийн сайн үр дүнтэй.

Нярай хүүхэд байнга хэвтээ байдалд байдаг учраас хамар нь битүүрэх хандлага их байдаг. Хүүхдийн хамрыг цэвэрлэхдээ нус сорогч болон модтой хөвөнгөөр хамрыг ухаж огт болохгүй.

Хамар нь гадна талаасаа гоо сайхныг бий болгож байдаг. Хамар нь үнэрлэнэ, агаарыг чийгшүүлнэ. Хамрын үс нь гадны бохирдлоос хамгаална. Хүүхдийн хамрыг эрүүл байлгах нь нусаа нийлгэж сургах нь хамгийн чухал юм. Та дараах бичлэгээс хүүхдэдээ хэрхэн нусаа нийлгэж сургах вэ?

Хамар битүүрэх нь удаан ханиадтай явснаар хамрын салст үрэвссэн байдаг. Тиймээс хүмүүс хамрын дусаалга хэрэглэдэг. Хамрын дусаалгыг байнга хэрэглэснээр хамрын салт гэмтдэг байна. Хамрын дусаалгыг хамгийн дэд талдаа 7 хоног хэрэглээд болих нь зүйтэй.